Thursday, March 24, 2011

အချစ်


အချစ်

ခဏတာ စွဲလမ်းအကြိုက်တွေ့ခြင်းကို

မိုက်မဲစွာ မခွဲတမ်း ရူးမိသည်ဟု

တဘဝတာ အချစ်၌ မမှတ်ယူစေလို

အကြိုက်တွင် ကျေနပ်မှု့ အပြုံးများသာရှိပြီး

အချစ်တွင်မှု ပေးဆပ်မှု့ နှလုံးသားတစ်စုံရှိသည် ။

သက်အောင်(ကလောင်တိုက်ပွဲ)

Tuesday, March 22, 2011

အိပ်မက် ပျောက်သူ


အိပ်မက် ပျောက်သူ

  • အချစ်ရဲ့ အနမ်းတွေ အရင်လို မချိုမြိန်နိူင်တော့
  • အတိတ်က သူ့ ရယ်သံ တွေ လဲ မပီပြင်တော့ဘူး
  • ပေးခဲ့ဖူးတဲ့ ချစ်သူ့  အပြုံး ဘာကြောင့် ခါးသက်သလဲ
  • သူ့ နှုတ်ခမ်းက စကားတွေ ခြွေတိုင်း
  • ကိုယ့် မျက်ဝန်းက မျက်ရည်စက်တွေ ကြွေရတယ်
  • စိတ်ရဲ့ စွဲလမ်းမှု့ကို အိပ်မက်ဆိုးတွေ လှန့် နိုးနေတော့
  • အလွမ်းတွေကို စုတ်ဖြဲ ဘဝအပိုင်းအစများလဲ ပြန့်ကြဲ
  • ညဥ့် ကောင်းကင် ပြတင်းပေါက် ကို ထိုင်ငေးရင်း
  • အသက်ရှူသံတွေ ရပ်တန့်သွားခဲ့ရင်တောင်
  • ငါ့ရဲ့ ညတွေအတွက် အိပ်မက်ဆိုတာ မက်ခွင့်မရှိတော့ဘူး ။

သက်အောင် ( ကလောင်တိုက်ပွဲ )

Monday, December 20, 2010

အမိယုတ် စစ်ခွေးသားများ

အမိယုတ် စစ်ခွေးသားများ

လူတွေအားလုံးမှာ မွေးကတည်းက တတိယမျက်လုံးဆိုတာ ပါလာခဲ့ပြီးသာပါ လူတွေရဲ့စိတ်ပေါ့ အဲ့ဒီ စိတ်ဟာ အကောင်း အဆိုး အမှားအမှန် ကို ခွဲခြားသိမြင်နိူင်တယ်။ အလွန်ကို နူးညံ့လွန်းပါတယ်။ ထိခိုက်ပွန်းပဲ့အလွယ်ကူဆုံးပါပဲ ။ အဲ့ဒီ စိတ်ဟာ ကျနော်ဒို့တွေ အသက်ကြီးပြင်းလာတဲ့နှင့်အမျှ အတွေ့အကြုံတွေ ရင့်ကျက်လာပြီး ကျနော်တို့ ရဲ့ ခန္ဓာကိုယ် ထိန်းချုပ်မှု့တွေရှိလာတာပါပဲ။ အဲ့ဒီကောင်းမွန်တဲ့ စိတ်ကိုရရှိဖို့ အတွက် ထိန်းကျောင်းပေးတာကတော့ အဲ့ဒီ စိတ်ရဲ့ ပတ်ဝန်းကျင် အသိုင်းအဝိုင်းပါပဲ။

တံငါ နားနီး တံငါ မုဆိုး နားနီး မုဆိုး ဆိုတဲ့ဆိုရိုးကလဲရှိသေးတာကို။ ”အမိယုတ်တော့နှုတ်ကြမ်း”ဆိုသလိုပေါ့။ ခုကျနော်တို့ လူ့ ပတ်ဝန်းကျင်အတိုင်းအဝိုင်းမှာလဲ ငယ်စဉ်ကတည်းက စိတ်ဆိုးစိတ်ညစ်တွေရှိတဲ့ အသိုင်းအဝိုင်းမှာ ကြီးပျင်းလာခဲ့ရတဲ့ လူဆိုးလူညစ်တွေကိုလဲ တွေ့နေရပါတယ် ။ အကောင်းဆုံး နမှုနာပြမယ်ဆိုရင် တပ်မတော် နဲ့ စစ်တပ်ကိုသာ ကြည့် ရှင်းရှင်းလင်းလင်းကို သိရမယ် ။စစ်ခွေးတွေအတွက်မိုက်ရိုင်းတယ် လူမဆန်တဲ့အပြုအမှုတွေလုပ်တယ် ဆိုတာအဆန်းမှမဟုတ်တော့ပဲ။ သူဒို့တွေ ကြီးပြင်းလာရတဲ့ လူနေမှု့အဆင့်အတန်းနဲ့ စရိုက်တွေကလဲ မေ့ထားလို့ မှမရပဲ။

ဒေါ်အောင်ဆန်းစုကြည်ဟာ စစ်အစိုးရ ရဲ့ အတိုက်အခံဖြစ်တဲ့အတွက် စစ်ခွေးသား အမိယုတ်သားတွေအတွက် နိူင်ငံရေးအရ လေးစားမှု့မရှိရင်တောင် လူမှု့ရေးအရတော့ လေးစားမှု့ရှိသင့်ပါတယ် ။ အမေစုဟာ ကျနော်ဒို့ မြန်မာနိူင်ငံရဲ့ လွတ်လပ်ရေးဗိသုကာ ပညာရှင်ကြီး ဗိုလ်ချုပ်အောင်ဆန်းရဲ့ မျိုးဆက်ဖြစ်သလို မြန်မာနိူင်ငံရဲ့ ဒီမိုကရေစီရရှိရေး နိူင်ငံသားအားလုံးအတွက် တူညီတဲ့ လူ့ အခွင့်အရေးတွေကို ဆောင်ရွက်နေတဲ့ သူ၊ မြန်မာသာမက ကမ္ဘာကပါ လေးစားရတဲ့ နိုဘယ်ဆုရှင် တစ်ဦးပါ ။ ပြီးတော့ လူ့ ယဉ်ကျေးမှု့အရ ကြီးသူကိုရိုသေ ဆိုသလို ဒေါ်စု ဟာ စစ်ခွေးအားလုံး ရဲ့ အသက်ထက် ကြီးရင့်ပြီး အစစအရာရာမှာ သာလွန်နေတဲ့ အမျိုးသမီးတစ်ဦးပါ ။ဒေါ်စုဘာတွေသာလွန်နေလဲ မေးလာခဲ့မယ်ဆိုရင်တော့ အကောင်းဆုံးအဖြေဟာ စစ်အစိုးရ နှင့် စစ်အာဏာရှင်စနစ်ကို ထောက်ခံခဲ့မှု့ မရှိခြင်းပါပဲ။

စစ်ခွေးတွေပြောတတ်ပါတယ် စစ်သားဆိုတာတိုင်းပြည်နဲ့ လူမျိုးကိုကာကွယ်ဖို့ သစ္စာအဓိဋ္ဌာန်ပြုထား တဲ့သူတွေဆိုပဲ။ ဟုတ်တာပေါ့ .. စစ်အစိုးရအုပ်ချူပ်နေတဲ့ တိုင်းပြည်နဲ့ စစ်အာဏာရှင်အမျိုးယုတ်တွေကိုပဲ ကာကွယ်နိူင်တာ အမျိုးဘာသာသာသနာအရေးကျတော့ ဖျက်ဆီးပစ် ပါလေရောလား ။ သက်ကြီးရွယ်အိုတွေကို ရိုသေဖို့ ကိုဘေးဖယ်ထားဦး။ ဗုဒ္ဓရဲ့သားတော်တွေကိုတောင် အသေရိုက်ပါတယ်ဆိုမှ ဗုဒ္ဓ ရဲ့ အဆုံးအမတွေ ဘယ်တွေပျောက်ကုန်ပြီလဲဆိုတာ အံ့သြစရာပါပဲ ။ အမိယုတ်သားတွေအတွက် ကိုးကွယ်ရာဆို သန်ရွှေ နဲ့ ဇနီး သားသမီးများပဲကျန်တော့ မှာပေါ့။ နိူင်ငံတော်ကို ကာကွယ်ဖို့အတွက် ပြည်သူတွေနဲ့ နိူင်ငံတော်ကပြုစုမွေးထုတ်ပေးပါရဲ့ ဒါပေမယ့် လူ့ ပတ်ဝန်းကျင် မှာ သောင်းကျန်းနေတာများ တကယ့်ကို အောက်တန်းစား စိတ်ဓာတ်တွေပဲ ။

အခု စစ်အစိုးရအားပေး ဘလောဂ်တွေမှာ သောင်းကျန်းနေတဲ့ စစ်ခွေးတွေအတွက် ဒီမိုကရေစီအရေးဆောင်ရွက်နေတဲ့ စစ်အစိုးရ အတိုက်အခံတွေကို ရိုင်းပြစွာဆဲဆိုနေခြင်းဟာ အထက်အရာရှိတွေနဲ့ သက်ဆိုင်သူတွေကို အလိုတော်ရီး လုပ်ပြီး အရသာရှိကောင်းရှိနေပါလှိမ့်မယ် ဒါပေမယ့် သူတို့ ကိုမွေးထုတ်ပေးလိုက်တဲ့ မိဘ ၊ နိူင်ငံ နဲ့ တပ်မတော်ရဲ့ သိက္ခာကတော့ အဖတ်ဆယ်လို့ မရနိူင်အောင်ပါပဲ ။

သက်အောင်(ကလောင်တိုက်ပွဲ)

Saturday, December 4, 2010

မြန်မာနိူင်ငံမှ တရားဝင်လက်နက်ကိုင် သောင်းကျန်းသူကြီးများ .. အပိုင်း ( ၂ )

ပြည်သူလူထု ရဲ့ တစ်ဦးတည်းသော ရန်သူ
(သို့ မဟုတ်)
ပြည်တွင်းမှ တရားဝင်လက်နက်ကိုင်သောင်းကျန်းသူကြီးများ အပိုင်း ( ၂ )

မြန်မာနိူင်ငံမှာ ဒေါ်အောင်ဆန်းစုကြည် လွတ်မြောက်ပြီး ကတည်းက နိူင်ငံရေးလုပ်ငန်းတွေ လူမှု့ရေးလုပ်ငန်းတွေကို အရှိန်အဟုန်မြှင့်ပြီး တက်ကြွစွာလုပ်ဆောင်လာတာကို တွေ့မြင်နေရပါတယ် ။ ဒီလို မွန်မြတ်တဲ့စိတ်ထားနဲ့ နိူင်ငံ့အရေးကို ဆောင်ရွက်နေသူများအားလုံးကို အထူးပင်လေးစား အမိမြေကိုယ်စား အလွန်ပင်ဝမ်းမြောက်ဂုဏ်ယူမိပါတယ် ။

နိူင်ငံ့အရေးကို ဦးစားပေးလုပ်ကိုင် ဆောင်ရွက်နေသူများရှိသလို နိူင်ငံ့အရေး လူမှု့အရေး လုပ်ကိုင်ဆောင်ရွက်တဲ့နေရာမှာ လိုက်လံပြီး ဖျတ်ဆီးနေတဲ့ လူတစ်စုကိုလဲ မသဒီစရာတွေ့နေရပါတယ် ။ အဲ့ဒီလူစုဟာ မည်သူလဲအငြင်းပွားနေစရာမလိုပဲ ပြည်သူလူထုရဲ့တစ်ဦးတည်းသော ရန်သူ စစ်အစိုးရပဲ ဖြစ်ပါတော့တယ်။ စစ်အစိုးရအတိုက်အခံများကလူအများအကျိုးပြုလုပ်ငန်းများကို ပိုပြီးလုပ်ကိုင်လေ စစ်အစိုးရအတွက် ရန်သူတိုးလေပါပဲ ။

ဒေါ်အောင်ဆန်းစုကြည်က ဦးစီးဦးဆောင်ပြီး NLD အဖွဲ့ဝင်များက အမျိုးသား ဒီမိုကရေစီ အဖွဲ့ချုပ် (NLD) လူမှု အထောက်အကူပြု အဖွဲ့မှ မဖြူဖြူသင်း ဦးဆောင် စောင့်ရှောက်ထားသည့် တောင်ဒဂုံမြို့နယ်ရှိ HIV/ AIDS ဝေဒနာရှင်များ နေထိုင်သော နေအိမ်ကိုသွားရောက်ပြီး HIV / AIDS ရောဂါဝေဒနာသည်များကို အားပေးရန်သွားရောက်ဆုံတွေ့အပြီးမှာ စစ်အစိုးရရဲ့ မသဒီစရာ ရုပ်သွင်ဟာ ပိုလို့ ပီပြင်လာခဲ့ပြီး ကိုယ်ချင်းစာနာစိတ်မရှိ ယုတ်မာသောအကြံညဏ်နဲ့ ရောဂါသည်ဝေဒနာရှင်များကို နေထိုင်ရာဂေဟာမှ ရပ်ကွက်နဲ့ရန်တိုက်ပေးကာ အတင်း ပြောင်းရွှေ့ရန် ဖိအားပေးခဲ့ပါတယ် ။ အဲ့ဒီအပြင် ရောဂါသည်ဝေဒနာရှင်များကို သွားရောက်ကြည့်ရှုအားပေးခဲ့တဲ့ စာပေ ၊ အနုပညာ အသိုင်းအဝိုင်းမှ အနုပညာရှင်များကိုလဲ ဖိနှိပ်မှု့များ ပြုလုပ်ခဲ့ပြီး အနုပညာ လုပ်ကိုင်ခွင့်ကိုပါ ကန့်သတ်ပိတ်ပင်ခဲ့ပါတယ်

တစ်ကမ္ဘာလုံးက World AIDS Day နဲ့ ဝေဒနာရှင်များကို ဖေးမကူညီ နေတဲ့ အချိန်မှာ ခုလိုဖိနှိပ်ချုပ်ချယ်မှု့တွေဟာ အင်မတန်မှ အကျည်းတန်လှပါတယ် ။ ပြီးတော့ အနုပညာရှင်များဟာလဲ သာမန်ပြည်သူ များသာဖြစ်တဲ့အတွက် ပြည်သူအချင်ချင်းဖေးမကူညီ တဲ့ နေရာမှာ ခုလို ကန့်သတ်ပိတ်ပင်မှု့များဟာ ဦးကျော်သူပြောသလို လူ့ အခွင့်အရေးကို ချိုးဖောက်မှု့မျိုးသာဖြစ်ပါတယ် ။

အခြေအနေတွေကို လေ့လာကြည့်မယ်ဆိုရင် စစ်အစိုးရရဲ့ ခေါင်းထဲမှာ စစ်အာဏာရှင်စနစ်အတိုက်အခံများကို ဖိနှိပ်ရန် အကြံအစည် ဖြင့် ဘာကိုမှဂရုမစိုက်ပဲ နှိပ်ကွပ်နေတာဖြစ်ပါတယ် ။ ဒါပေမယ့် ဖိနှိပ်တယ်ဆိုတဲ့ နေရာမှာ မသက်ဆိုင်တဲ့လူတွေကို မထိခိုက်စေဖို့ စဉ်းစားချင့်ချိန်သင့်ပါတယ် ။ ဒီလိုမျိုး လုပ်ရပ်တွေဟာ စစ်အစိုးရရဲ့ ပြည်သူလူထုတွေအပေါ် မလေးစားမှု့ လူထုကို ဂရုစိုက်မှု့မရှိပဲ စစ်အာဏာရှင်စနစ်ကို ပေါ်လွင် ထင်ဟပ်နေစေပါတယ် ။ ခုလို မသဒီစရာအခြေအနေမျိုးတွေကိုသာ စစ်အစိုးရ အနေနဲ့ ထပ်မံကျူးလွန် လုပ်ဆောင်လာမည်ဆိုရင်တော့ စစ်ခွေးတွေရဲ့ ပါစပ်ကထွက်သလို “ပြည်သူတွေရဲ့ အစိုးရလား ၊ အစိုးရရဲ့ ပြည်သူတွေလား” ဆိုတာကိုတော့ သေချာခွဲခြားသိဖို့ လိုလာပါပြီ ။

သက်အောင်(ကလောင်တိုက်ပွဲ)

သက်အောင်

My Photo
ရန်ကုန်, ရန်ကုန်, Myanmar (Burma)
သူငယ်ချင်းအားလုံးကိုကြိုဆိုပါတယ်။ သက်အောင် ကိုခင်လို့ ရပါတယ်။ သက်အောင် က ခင်တတ် ပါတယ်။

ဆက်သွယ်ရန်

သက်အောင် ဟုခေါ်သော ကျွန်ုတော့် ကိုို
အကြောင်း အမျိုးမျိုးနဲ့ ဆက်သွယ် လိုပါ က


u.s.amyanmar@gmail.com နှင့်
thetaung.kk301@gmail.com


တို့ ကိုဆက်သွယ်နိူင်ပါသည် ။



ဒီဘလောဂ်လေးကိုဘယ်လိုမြင်ပါသလဲ

တစ်ခုခုပြောခဲ့နော်

သယ်ရင်းများ

။နောက်တစ်ခါပြန်လာခဲ့ဦးနော်။

  © Blogger template Brooklyn by Ourblogtemplates.com 2008

Back to TOP