ကမ်းဝေးမြစ်တစ်စင်းရဲ့အလွမ်း

အလွမ်းတွေကို.....
နေ့စဉ်နှင့်အမျ စားသုံးနေရလို့ 
ရင်ပြည့်ရင်ကယ် ဖြစ်ခဲ့ရတဲ့
ညတွေဟာ များလှပါပြီ ။
အချစ်တစ်ခုကို
မွေးဖွားလိုက်ကတည်းက
လွမ်းခဲ့ရတဲ့အလွမ်းတွေအတွက်
ဘယ်အရာကများ ကိုယ်ချင်းစာ
နားလည်ပေးနိူင်ဦးမှာတဲ့လဲ။

ခက်ဆစ်အဖွင့်မှားတဲ့
အလွမ်းပြပွဲမှမျက်ရည်တွေနဲ့
ချစ်ခြင်းတရားကို မမျှားတတ်တဲ့
ငါလိုလူအတွက်
ရှုံးနိမ့်ခြင်းတွေက
လက်ကမ်းခဲ့တာမဟုတ်ဘူးနော်။

မျော်လင့်ခြင်းဆိုတာ ကလည်း
ငါ့ရဲ့ အမွှာညီရင်းအကို လိုဖြစ်လို့ 
စိတ်ကလဲမချမ်းသာခြင်းနဲ့
ဆော့ဖော်ဆော့ဖက်ပေါ့
မပြည့်ဆုံခြင်းတွေကတော့
မွေးရာပါ အမှတ်တစ်ခုလိုပါပဲ
ဖျောက်ဖျက်မရတဲ့
နှလုံးသားက အမာရွတ်ကတော့
မင်းကိုသိပ်ချစ်ခဲ့တဲ့
အမှတ်အသားတစ်ခုပဲ ဆိုပါတော့ ။

အတိတ်ကအရိပ်ဟောင်းတွေဟာ
မနေ့တစ်နေ့ကလို လတ်ဆက်နေတုန်းပဲ
မင်းရဲ့အပြုံးနဲ့ ချည်တိုင်မိနေခဲ့တဲ့
ရက် ၊ လ ၊ နှစ် တွေအတွက်
ကံတရားကို ဒေါ်ပွပြီးတော့
ယိုးမယ်ဖွဲ့ရဦးမှာလား
လောကဓံ ကို ပဲ
လက်ညိုး ထိုးရဦးမှာလား
တော်ပါပြီကွာ ............
ကိုယ်အသုံးမကျတိုင်းသာ
အပြစ်မဲ့တဲ့ သဘာဝတရားကို
အ ပြစ်ဖို့ နေရရင်လည်း
လောကကြီးတစ်ခုလုံး
အပြစ်တွေနဲ့ တန်ဆာဆင်လို့ ကို
ကုန်မှာ မဟုတ်တော့ပါဘူး။

သက်အောင်(ကလောင်တိုက်ပွဲ)
ဇူလိုင်လ ၅၊ ၂၀၀၉
နံနက် ၄:၁၅